Kryeministri Edi Rama ka bërë publike pamjet e bajpasit të Beratit duke thënë se qytetit do t’i shtohet një tjetër vepër e rëndësishme.
Rama bën me dije se këtë pranverë do të jetë gati Bajpasi që do të sjellë lehtësim në trafik.
“Një tjetër vepër e rëndësishme infrastrukturore i shtohet qytetit turistik të Beratit. 
Bajpasi i madh, i cili këtë pranverë do të jetë gati, do të sjellë lehtësimin e shumëpritur të trafikut në qytetin e bardhë, që po tërheq çdo vit e më shumë turistë nga e gjithë bota”, shkruan Rama.
