Gjykata e Durrësit ka caktuar masën e sigurisë “arrest në burg” për 35 vjeçarin Majlind Habibi, i cili akuzohet të ketë vrarë shokun e tij, Branko Shkoza, duke e hedhur drejt kanalit të ujërave të zeza pas një konflikti me motive të dobëta.
Sipas policisë, Majlind Habibi dyshohet se e ka shtyrë me qëllim 33-vjeçarin drejt kanalit të ujërave të zeza për t’i marrë jetën.
Pasi hodhi Branko Shkozën nga ura për motive të dobëta, autori i dyshuar raportohet se fshehu krimin, duke mos treguar vrasjen.
Trupi i viktimës u gjet më datë 5 dhjetor pas kontrolleve intensive nga ana e shërbimeve të Policisë dhe e familjarëve të tij.
