Kreu i dyshuar i një rrjeti kriminal që shtrihej nga Irani në Evropën Perëndimor është arrestuar nga policia shqiptare.
57-vjeçari turk mësohet se është vendosur në pranga në aeroportin e Rinasit teksa po hynte në Shqipëri më 23 nëntor, ndërsa tashmë do bëhet ekstradimi drejt Gjermanisë.
Sipas Europol, ai dyshohet se drejtonte një rrjet kriminal përgjegjës për importin në shkallë të gjerë të heroinës në Evropën Perëndimore.
Nga hetimet ka rezultuar se ai fshihej pas organiztatës që posedonte 703 kilogramë heroinë të sekuestuara në portin e Hamburgut në Gjermani më 30 gusht 2022. Heroina ishte fshehur në një ngarkesë me kontejnerë sapuni me origjinë nga Irani.
Po ashtu, Europol njofton se pronat rezidenciale dhe afariste të lidhura me të dyshuarin dhe të dashurën e tij u kontrolluan në Roterdam, Holandë.
