Kur ende nuk janë bërë dy muaj nga tërmeti katastrofik i 26 nëntorit, që shkatërroi shumë banesa, duke detyruar banorët të largohen, kanë nisur grabitjet në qytetin e Durrësit.
Në Durrës janë grabitur dy hyrjet e një pallati të dëmtuar nga tërmeti i 26 nëntorit. Hajdutët kanë shqyer dyert e apartamenteve gjatë natës, dhe kanë hyrë brenda, duke marrë gjithçka në pallatin që ndodhet në kompleksin e Jedas, i cili ishte ndër më të dëmtuarit nga tërmeti.
Ky pallat ruhej me patrullë policie prej ditësh, por siç duket hajdutët kanë shfrytëzuar natën për të kryer grabitjen.
Në vendngjarje ka mbërritur policia shkencore, e cila po ekzaminon gjurmët në të dyja dyert e hyrjeve të grabitura.
Pallati i grabitur ka 285 hyrje dhe është dëmtuar rëndë në pesë katet e para të tij, bashkë me disa prej kolonave mbajtëse.
