Avioni i parë i kompanisë ajrore turke Turkish Airlines i linjës direkte për në Dallas të Teksasit, në Shtetet e Bashkuara të Amerikës (SHBA), ateroi në qytetin amerikan, njoftoi sot Turkish Airlines, transmeton Anadolu Agency (AA).
Në njoftim thuhet se kjo kompani ajrore vazhdon të përmirësojë rrjetin e saj të fluturimeve duke shtuar destinacionet amerikane, nga të cilat, pas fillimit të fluturimeve në Dallas, gjithsej u bënë 11 destinacione.
Turkish Airlines aktualisht ka katër fluturime në javë në Aeroportin Ndërkombëtar të Dallasit (DFW), të hënën, të mërkurën, të premten dhe të dielën, me avionët e gjeneratës së re Boeing 787-9 Dreamliner.
Dallas, zona e katërt metropolitane më e madhe në Shtetet e Bashkuara, u bë një qendër e rëndësishme industriale, kulturore dhe tregtare në jug të vendit me zbulimin e naftës në vitet 1930.
