Një delegacion i udhëhequr nga kreu i Byrosë politike të Hamasit, Ismail Haniyeh, u takua në Kajro me shefin e Shërbimit Informativ egjiptian, Abbas Kamel, transmeton Anadolu Agency (AA).
Në njoftimin e Hamasit thuhet se çështjet rajonale u diskutuan gjatë takimit në Kajro si dhe lufta dhe suksesi i rezistencës palestineze kundër sulmeve të fundit izraelite.
Në takim u diskutua mbi të gjitha aspektet e çështjes palestineze si dhe rindërtimin e Rripit të Gazës.
Zyrtarët diskutuan po ashtu mënyra për të forcuar më tej marrëdhëniet midis Palestinës dhe Egjiptit.
Shefi i inteligjencës së Egjiptit, Kamel më parë u takua me zyrtarë izraelitë dhe palestinezë gjatë një vizite në Tel Aviv, Ramallah dhe Gaza nga 30 deri më 31 maj.
