Njësitë ruse të mbrojtjes ajrore shkatërruan dronët ukrainas që synuan Moskën, duke shkaktuar mbylljen e të gjitha aeroporteve në kryeqytet për disa orë.
Kryetari i bashkisë së Moskës, Sergei Sobyanin, tha në mediat sociale se të paktën 19 dronë ukrainas u neutralizuan. Në të gjithë vendin, njësitë e mbrojtjes ajrore ruse rrëzuan 105 dronë ukrainas.
Kjo shënon natën e dytë radhazi që dronët shënjestruan kryeqytetin e Rusisë. Sulmet vijnë vetëm disa ditë përpara paradës së Ditës së Fitores dhe armëpushimit të përkohshëm të propozuar nga Rusia, i caktuar për 8-10 Maj.
Ndërkohë, sulmet ruse ndaj Ukrainës vazhdojnë ku një person mbeti i vrarë në Odesa. 20 dronë sulmuan në disa objektiva mes tyre një treg në Kharkiv.
Katër persona u vranë dhe shtatë të tjerë u plagosën në Ukrainë në sulmet ajrore ruse në rajonin verior të Sumy-t, sipas zyrtarëve ushtarakë vendas. Presidenti Volodymyr Zelensky paralajmëroi javën e kaluar se Rusia mund të organizojë provokime, të tilla si “zjarrvënie, shpërthime ose veprime të tjera”, në ceremoninë e Ditës së Fitores dhe përpiqet të fajësojë Ukrainën.
