Presidenti i Tunizisë, Kais Saied, ka emëruar si ministër të ri të Punëve të Brendshme, Riza Gharsillavi, transmeton Anadolu Agency (AA).
Presidenti Saied, i cili më 25 korrik shkarkoi kryeministrin Hichem Mechichi, i cili është i ngarkuar me administrimin e punëve të Ministrisë së Brendshme, emëroi Gharsillavi-n në post me një dekret të ri.
Gharsillavi u betua të enjten në mbrëmje dhe fotografitë e ceremonisë u postuan në mediat sociale nga zyra e presidentit tunizian.
Garsillavi, i cili ka mbajtur një numër pozicionesh të larta, përfshirë pozicionin e këshilltarit të presidentit për sigurinë kombëtare, ka kryer shumë trajnime brenda dhe jashtë vendit.
Presidenti i Tunizisë ka shkarkuar 24 zyrtarë shtetërorë që nga e diela. Largimet dhe shkarkimet filluan kur presidenti Saied vendosi të dielën të shkarkojë qeverinë dhe të pezullojë parlamentin.
Në Tunizi më 25 korrik u organizuan protesta kundër partive në pushtet dhe opozitës, ndërsa u kryen edhe sulme ndaj selive të partive, të udhëhequr nga Lëvizja Nahda.
Trupat më pas parandaluan që kryetari i Parlamentit tunizian dhe udhëheqësi Lëvizjës Nahda, Nahda Rached Ghannouchi, si dhe deputetët të hynin në parlament.