Dy shtetas nga Kosova po procedohen penalisht në gjendje të lirë për veprën penale “Mosdeklarimi në kufi i të hollave dhe i sendeve me vlerë”.
Sipas Policisë, shtetasve kosovarë E. H., 22 vjeç dhe D. H., 32 vjeç, banues në Kosovë gjatë kontrollit në automjetin tip “Volkswagen” në Pikën e Kalimit Kufitar të Morinës me drejtues shtetasin E. H. dhe pasagjer shtetasin D. H., iu gjetën 18 000 franga zvicerane dhe 9 150 euro, të cilat nuk i kishin deklaruar konform ligjeve në fuqi.
Paratë u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
