Ky filmim dëshmon njërin prej shpërthimeve të fuqishme të shkaktuara nga goditjet me raketa të ushtrisë së Indisë në Pakistan, natën e kaluar.
26 të vrarë mes të cilëve edhe fëmijë dhe 46 të plagosur njoftuan autoritetet pakistaneze në anën e tyre.
Raketat indiane goditën disa objektiva në Pakistan dhe në zonën pakistaneze të rajonit të Kashmirit.
Në kundërpërgjigje të operacionit ushtarak indian të emërtuar Sindor, Pakistani rrëzoi 5 avionë ushtarakë indianë dhe kreu sulme brenda territorit të Indisë me një bilanc prej 10 të vdekurish.
Presidenti amerikan Donald Trump iu bashkua thirrjeve të shumta nga komuniteti ndërkombëtar që u kërkuan palëve të ndalin përshkallëzimin e tensioneve.
Trump i quajti sulmet indiane ndaj Kashmirit “të turpshme”.
Konflikti i përgjakshëm për Kashmirin mes Indisë dhe Pakistanit është i hershëm dhe daton që prej viteve 70.
Vala e fundit e përshkallëzimit të tensioneve erdhi pas sulmit të 22 prillit, kur persona të armatosur vranë 28 civilë, përfshirë turistë në Kashmirin e administruat nga India.
Autoritetet indiane fajësuan Pakistanin për sulmin, por Islamabadi mohoi autorësinë.
