Policia e Shtetit ka zbardhur vrasjen e Endri Mustafës, që u gjet dje i pajetë në zonën e Livadheve në Shkodër.
Në kërkim për këtë ngjarje është shpallur Ibrahim Lici, një person i njohur për policinë ndërsa është arrestuar edhe bashkëpuntori i tij E.M 15-vjeç që dyshohet se ka marrë pjesë në vrasje.
Po ashtu në pranga ka rënë edhe Edison Arazi, 26 vjeç banues ne lagjen “Salo Halili”, Shkodër, i cili dyshohet se ka dijeni për ngjarjen.
Po kush është Ibrahim Lici?
Ibrahim Liçi, i shpallur në kërkim i dyshuar si autori kryesor për ekzekutimin e Endi Mustafës në Shkodër, është emër i njohur për policinë, i përfshirë edhe më parë në ngjarje të rënda kriminale në kryeqendrën e veriut.
Ai rezulton edhe autor i vrasjes së dy vëllezërve Ibrahim dhe Astrit Bilali në Shkodër, ngjarje e ndodhur më 30 mars të vitit 2019.
Në atë kohë u vunë në pranga dy bashkëpunëtorët e tij Arsen Stojku 29 -vjeç dhe Mislim Rama 23 -vjeç nga Vau i Dejës, ndërsa vetë Liçi u shpall në kërkim.
Ai është djali i Mustafa Liçit, ky i fundit i arrestuar më herët për gjobëvënie ndaj tregtarëve në qytetin e Shkodrës.
