Dy ish-zyrtarë të drejtorisë vendore të Policisë së Elbasanit janë vënë nën hetim nga Prokuroria e Posaçme Anti-Korrupsion (SPAK).
Burime bëjnë me dije se ata janë aktualisht pjesë e strukturës së policisë, njëri prej të cilëve në drejtorinë e Policisë së Lezhës dhe tjetri në Korçës.
Mësohet se dosja në ngarkim të tyre është referuar në SHÇBA e Elbasanit në prokurorinë e Elbasanit në prokurori.
Pas hetimeve dhe verifikimeve të nevojshme organi i akuzës në Elbasan e ka referuar dosjen në SPAK.
Ndaj dy zyrtarëve rëndojnë akuzat e shpërdorimit të detyrës dhe korrupsionit.
Dyshimet janë se njëri prej tyre dyshohet të ketë bashkëpunuar me një grup të rrezikshëm kriminal nga i cili, ka dyshime se ka marrë një sasi parash prej 10 mln lekësh.
Ndërsa në lidhje me zyrtarin e dytë të vënë nën hetim nga SPAK, ndaj tij ka akuza vetëm për shpërdorim detyre.
