Organizata terroriste YPG/PKK liroi edhe 200 persona të tjerë, shumica prej të cilëve anëtarë të DEASH-it, që i mbante nëpër burgjet në rajonet e pushtuara në Siri Al-Hasakah dhe Raqqa.
Sipas informacioneve të marra nga burimet lokale, mësohet se YPG/PKK duke marrë garanci nga fiset arabe, në dy ditët e fundit ka liruar 200 persona të tjerë, shumica e të cilëve anëtarë të DEASH-it në rajonet e pushtuara në Siri Al-Hasakah dhe Raqqa.
Burimet thonë se nëse fiset arabe japin garanci, ky proces do të vazhdojë dhe se do të lirohen edhe më shumë anëtarë të DEASH-it.
YPG/PKK-ja edhe me 9 janar, pas garancisë nga fiset arabe liroi në të njëjtën mënyrë 40 anëtarë të DEASH-it nga burgjet në rajonin Al-Hasakah.
Terrositët e YPG/PKK-së të mbështetur nga SHBA-ja, aktualisht mbanjnë të burgosur dhjetëra mijëra terroristë të DEASH-it dhe familjet e tyre në Al-Hasakah, Raqqa dhe Deir Ez-Zor.
YPG/PKK edhe gjatë operacionit “Burimi i Paqes” liroi terroristët e DEASH-it
Pasi Turqia më 9 tetor 2019 ndërmorri operacionin “Burimi i Paqes”, YPG/PKK gjithashtu liroi ose u bë indiferente ndaj largimit të qindra terroristëve të DEASH-it dhe familjeve të tyre.
Organizata në këtë mënyrë u përpoq që të shantazhonte SHBA-në dhe vendet e tjera perëndimore që të siguronin ndalimin e operacionit të Turqisë.
Ministria turke e Mbrojtjes, në një deklaratë të bërë me 17 nëntor, kishte njoftuar se organziata terroriste YPG/PKK liroi të paktën 800 anëtarë të DEASH-it nga burgu i saj në Tal Abyad.
Organizata në muajt nëntor dhe dhjetor të vitit 2019 liroi më shumë se një mijë anëtarë të DEASH-it dhe familjet e tyre nga kampi Hol në Al-Hasakah.
