Një person ka rënë në prangat e policisë së Lushnjës pasi akuzohet për dhunë.
Sipas burimeve zyrtare M.H ka dhunuar me sende të forta kunatën e tij e cila ndodhet në spital. Mësohet se ngjarja ka ndodhur në banesën e autorit.
NJOFTIMI
Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin M. H., banues në fshatin Qerret i Ri, Lushnjë, pasi në banesën e tij, ka dhunuar fizikisht për motive të dobëta, me sende të forta, kunatën e tij, shtetasen J. H., 62 vjeçe, e cila ndodhet në spital, nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Dhunë në familje”.
