Ministrja e Ekonomisë, Dalina Ibrahimaj në një dalje për mediat tregoi detaje nga vendimet e marra në Këshillin e Ministrave. Ajo foli për një bord për shqyrtimin e kërkesave të investimeve të huaja për sektorët kritikë. Ajo tha se u miratua sot një akt për mbështetjen për ndërmarrjen, një fond prej 100 milion eurosh i akorduar për AIDA.
“Do të eliminojmë shkresat dhe dokumentet në letër. Në një kohë afatmesme do të eliminohen të gjithë dokumentet dhe firmat shkresore dhe administrata do të punojë paperless. Me rregulloren e investimeve të huaja, mbyllim piketat. Miratohet krijimi i një bordi që do të shqyrtojë investimet e huaja nga vende jo anëtare të BE, fillimisht në fushën e medias dhe mbrojtjes.
Pas anëtarësimit të vendit në BE, bordi do të shqyrtojë kërkesat në të gjithë sektorët. Një portofol prej 100 mln euro që do të akordohet për AIDA-n”, tha ajo.
