Gjykata ka vendosur masën e sigurisë “burg pa afat” për Gjovalin Shkambin, xhaxhanë e autorit të vrasjes së gjyqtarit Astrit Kalaja, Elvis Shkambi.
Gjovalin Shkambi, në një prononcim për mediat, deklaroi se “ai gjyqtar që do ta dënojë nipin e tij, do të ketë fatin e Astrit Kalasë”.
Menjëherë, ai u shoqërua nga policia, në lidhje me kërcënimin që bëri.
Gjatë ditës së sotme, me anë të një komunikimi për mediat, familja e Gjovalin Shkambit kërkoi ndjesë për fjalët e tij, duke u shprehur se ai kishte folur në moment gjaknxehtësie.
Kujtojmë se Elvis Shkambi vrau në sallën e gjyqit gjyqtarin Astrit Kalaja, ngjarje që tronditi opinionin publik.
Elvis Shkambi, një tjetër xhaxha i tij dhe roja i sigurisë, që lejoi autorin të hyjë në sallë i armatosur, janë lënë në burg.
