Gjykata Penale në Tiranë ka vendosur masën e sigurisë “arrest me burg” për Elvis Shkambin, Gjon Shkambin dhe B.K., të akuzuar për vrasjen e gjyqtarit Astrit Kalaja.
Bëhet me dije se seanca u zhvillua nën drejtimin e gjyqtares Marinela Osmani, ndërsa të arrestuarit u paraqitën para trupës gjykuese për njohjen me masën e sigurisë.
Po ashtu mësohet se gjatë seancës, Elvis dhe Gjon Shkambi kërkuan falje publike familjes së gjyqtarit Kalaja, duke deklaruar se ngjarja ka ndodhur “për shkak të tronditjes së lartë psikike” që ata kanë pësuar pas “kalvarit të gjatë të gjyqeve”.
Autori i krimit ka kërkuar falje edhe dy personave të plagosur gjatë ngjarjes, duke shprehur pendesë për atë që ka ndodhur.
Ata kanë pretenduar se konflikti ka lindur për shkak të një çështjeje pronësie, të cilën, sipas tyre, “gjykatat nuk e kishin zgjidhur siç duhet”.
Ndërkohë, gjatë seancës, B.K. deklaroi se ka qenë në gjendje të rënduar shëndetësore ditën e ngjarjes
“Kam qenë i sëmurë. Para se të kalonin palët në skaner, unë kam lajmëruar kancelaren se nuk ndihesha mirë, pasi vuaj nga diabeti. Një orë më pas, kancelarja më dha leje për t’u larguar, por nuk jam zëvendësuar
