Është përcaktuar kalendari i Kampionatit Europian U-17 “Shqipëri 2025”, që do të zhvillohet në vendin tonë nga data 19 maj deri më 1 qershor.
Shqipëria është pjesë e Grupit A, së bashku me Francën, Gjermaninë dhe Portugalinë. Pjesë e Grupit B janë Italia, Belgjika, Anglia dhe Çekia.
Ndeshja hapëse e Kampionatit Europian është Shqipëri – Portugali, e cila do të luhet më 19 maj në “Arenën Kombëtare”, në orën 18:00. Në të njëjtën ditë do të luhet edhe ndeshja tjetër e Grupit A, Gjermani – Francë, në “Elbasan Arena”, në orën 20:30.
Ndeshjet e para të Grupit B do të zhvillohen më 20 maj. Anglia do të përballet me Belgjikën në “Egnatia Arena”, në orën 18:00, ndërsa Itali – Çeki do të luhet në “Niko Dovana”, në orën 20:30.
Takimet e dyta të Grupit A do të luhen më 22 maj, ndërsa ato të Grupit B më 23 maj. Ndeshjet e fundit të Grupit A janë programuar më 25 maj, ndërsa sfidat e fundit të Grupit B do të zhvillohen më 26 maj.
Shqipëria do të luajë ndeshjen e dytë të Grupit A ndaj Gjermanisë më 22 maj, në “Elbasan Arena”, duke nisur nga ora 18:00. Ndeshja e tretë dhe e fundit në grup do të jetë ajo ndaj Francës, më 25 maj, po në “Elbasan Arena”, në orën 20:30.
Më poshtë kalendari i plotë i Kampionatit Europian U-17 “Shqipëri 2025”:
Grupi A
Shqipëri – Portugali “Arena Kombëtare”, 19.05.2025 18:00
Gjermani – Francë “Elbasan Arena”, 19.05.2025 20:30
Grupi B
Angli – Blegjikë “Egnatia Arena”, 20.05.2025 18:00
Itali – Çeki “Niko Dovana”, 20.05.2025 20:30
Grupi A
Shqipëri – Gjermani “Elbasan Arena”, 22.05.2025 18:00
Francë – Portugali “Arena Kombëtare”, 22.05.2025 20:30
Grupi B
Belgjikë – Çeki “Niko Dovana”, 23.05.2025 18:00
Itali – Angli “Egnatia Arena”, 23.05.2025 20:30
Grupi A
Francë – Shqipëri “Elbasan Arena”, 25.05.2025 20:30
Portugal – Gjermani “Arena Kombëtare”, 25.05.2025 20:30
Grupi B
Çeki – Angli “Egnatia Arena”, 26.05.2025 20:30
Beligjikë – Itali “Niko Dovana”, 26.05.2025 20:30
