Ankara
Zëdhënësi i Presidencës Turke, Ibrahim Kalın dhe i dërguari i posaçëm i SHBA-ve për Sirinë, James Jeffrey sot diskutuan mbi zhvillimet e fundit në veriperëndim të Sirisë, (AA).
Kalın dhe Jeffrey u takuan në kryeqytetin turk Ankara për situatën dhe zhvillimet e fundit në rajon.
Shënjestrimi i pikave të vëzhgimit të ushtrisë turke nga regjimi i Asadit në Idlib është i papranueshëm, theksuan Kalın dhe Jeffrey.
Gjatë takimit, vendosmëria e Turqisë për mbrojtjen e ushtarëve dhe civilëve turq si pjesë e marrëveshjes së Idlibit u theksua fuqimisht.
Jeffrey mbërriti në Turqi të martën për të takuar zyrtarët turq dhe për të rivlerësuar zhvillimet e fundit në rajon.
Ushtarët turq janë në Idlib, një zonë armëpushimi nën marrëveshjen midis Turqisë dhe Rusisë, si pjesë e misionit antiterrorist dhe të paqes.
Idlib është bastioni i opozitës dhe grupeve të armatosura antiqeveritare që nga shpërthimi i luftës civile siriane në 2011.