Zbardhet e gjithë ngjarja që alarmoi policinë dhe banorët e zonës së Astirit në kryeqytet. Janë shpallur në kërkim 4 persona, mes tyre dhe i dashuri i vajzës që mori në telefon policinë.
Ai është Joni Sadikaj 23 vjeç, i cili së bashku me 3 shokët e tij nga Vlora kanë kaluar mbrëmjen nën shoqërinë e 3 vajzave në 2 apartamentet që kishte marrë me qira ditore.
Gjatë kontrollit, policia gjeti një 2 armë zjarri, municione luftarake, një jelek antiplumb dhe doza kokaine.
Vajza është shprehur se ka shkuar me dëshirën e saj në banesë por kur ka parë armët është frikësuar. Ndryshe sa ka pretenduar gjatë telefonatës në polici, ajo ka deklaruar se nuk është dhunuar, kjo rezultoi edhe nga akt-ekspertiza e kryer.
Joni Sadikaj u arrestua në vitin 2017 në Kavajë për tentativën e trafikimit të 1.3 ton kanabis drejt Italisë. Gjithashtu 23-vjeçari u arrestua dhe në Korrik të 2023 pasi iu gjet një armë pa leje, një krehër si dhe municion luftarak.
Rasti i pazakontë ndodhi rreth orës 13:30 të së enjtes. Vajza i telefonoi policisë dhe pretendoi se është dhunuar nga disa persona dhe është marrë peng. Menjëherë shërbimet e policisë të ndihmuar dhe nga forcat speciale RENEA shkuan në zonë, ku nisën negociatat për të hapur derën.
Pretendime për dhunë dhe rrëmbim patën edhe prindërit e vajzës të cilët bashkëpunuan me policinë.
