Drejtori i Departamentit për Marrëdhënie me Jashtë të Këshillit të Sovran të Sudanit, Rashad Feraj al-Tayeb ka dhënë dorëheqjen duke reaguar ndaj takimit që kreu i Këshillit të Sovran të Sudanit, gjeneral Abdel-Fattah Al-Burhan zhvilloi me kryeministrin izraelit Benjamin Netanyahu.(AA)
Tayeb nëpërmjet një deklarate me shkrim reagoi ndaj takimit Al-Burhan-Netanyahu i cili ka shkaktuar debate në vend.
“Mendoj se është e vështirë dhe e pamundur të vazhdoj detyrën time në një qeveri e cila përpiqet të bashkëpunojë dhe të normalizojë raportet me regjimin sionist i cili ka pushtuar Kudsin dhe masakron palestinezët. Njoftoj se nuk kam asnjë përgjegjësi për takimin Al-Burhan-Netanyahu dhe njoftoj dorëheqjen nga deyra ime”, ka deklaruar Tayeb duke shtuar se nuk do të jetë pjesë e një qeverie që përpiqet të bashkëpunojë me Izraelin sionist.
Takimi Burhan-Netanyahu shkaktoi debate
Gjenerali Al-Burhan më 3 janar u takua në Uganda me kryeministrin izraelit Netanyahu ndërsa në një deklaratë nga Zyra e kryeministrisë izraelite ishte njoftuar se takimi është zhvilluar me ftesë të presidentit të Ugandës, Yoweri Museveni.
Ndërkohë edhe Netanyahu ka reaguar nëpërmjet Twitterit: “Ne kemi arritur konsensus për fillimin e bashkëpunimit i cili do të normalizojë marrëdhëniet mes dy vendeve”.
Izraeli kërkon të ri-rregullojë marrëdhëniet me vendet e Gjirit dhe të Afrikës të cilat i kanë ndërprerë si reagim kundër pushtimit të territoreve palestineze në vitin 1967.
Khartoum, kryeqyteti i Sudanit, njihet gjithashtu si “kryeqyteti i tre Jo-ve” për shkak të Samitit Arab, i cili u mbajt pas luftës arabo-izraelite në vitin 1967, samit ky i i cili rezultoi me deklaratën me përmbajtjen “Jo paqes me Izraelin, jo njohjes së Izraelit si shtet dhe jo bisedimeve me Izraelin”.
