Ushtarët amerikanë të pranishëm në rajonet që mbahen nën okupimin e grupit terrorist YPG/PKK në Siri, të shtunën ndaluan ushtarët rusë që ishin nisur drejt fushave të naftës.
Mosmarrëveshjet midis SHBA-së dhe Rusisë në lidhje me fushën e naftës Rumeylan në verilindje të provincës Hasakah janë duke vazhduar.
Sipas informacioneve të AA-së të marra nga burime të besueshme lokale, ushtarë amerikanë bllokuan një patrullë ushtarake ruse gjatë rrugës për në fushën e naftës.
Tensioni midis dy grupeve ndodhi kur ushtarët amerikanë u kërkuan ushtarëve rusë të ktheheshin në rrethin Amuda në veriperëndim të Hasakah.
Ushtarët rusë u detyruan të ktheheshin atje nga ku kishin ardhur pasi rruga për në Rumeylan, ku ndodhet baza ajrore e SHBA-së, ishte bllokuar.
Të enjten, terroristët e YPG/PKK-së gjithashtu ndaluan ushtarët rusë të kalonin nëpër qytetin Qamishli për ngritjen e një zone ushtarake pranë fushës së naftës Rumeylan dhe nuk i lejuan të arrinin në rajon.
Në fushatën e saj terroriste më shumë se 30-vjeçare kundër Turqisë, PKK e listuar si organizatë terroriste nga Turqia, SHBA dhe BE, ka qenë përgjegjëse për vdekjen e rreth 40.000 njerëzve, përfshirë shumë gra, fëmijë dhe foshnja. YPG është dega e siriane e PKK-së.
