Katër persona u plagosën pas të shtënave me armë zjarri në orët e para të ditës së sotme në Berlin. Tre prej të plagosurve sipas mediave, janë në gjendje të rëndë.
Mediat lokale, duke cituar raportet e policisë, raportuan se gjithçka ndodhi pak para orës 4 të mëngjesit, para një porte në rrethin Kreuzberg. Agjentë të shumtë janë vendosur në vend të cilët, me mbështetjen e një helikopteri, po kërkojnë personat e përfshirë në përleshjen e zjarrit.
Një fotograf për DPA tha se të shtënat ndodhën afër zyrave të Partisë Social Demokrate (SPD) të qendrës së majtë. Zëdhënësi i policisë tha se nuk kishte asnjë tregues të një motivi politik, por situata ishte ende shumë e paqartë.
Tre nga të plagosurit u shpëtuan përpara një porte në Stresemannstrasse, jo shumë larg selisë së partisë SPD. Një tjetër person i plagosur u shpëtua nga kanali afër Landwehr. Sipas policisë, burri u hodh në ujë vetë dhe u plagos në këmbë. Kërkimet e policisë janë përqendruar rreth stacionit të metrosë Möckernbrücke.
