Ish-deputetja demokrate, Jorida Tabaku, reagon menjëherë pas deklaratës së kryeministrit Edi Rama se do të rrisë me 40% pagat e punonjësve të shëndetësisë.
Tabaku shkruan në ‘Facebook’ se “asnjë gënjeshtër parazgjedhore nuk e zhbën atë që Edi Rama i ka bërë shëndetësisë”. Sipas saj, mjekët shqiptarë kanë pagat më të ulta dhe taksat me të larta në rajon.
Reagimi i Tabakut:
Asnjë gënjeshtër parazgjedhore se zhbën atë që Edi Rama i ka bërë shëndetësisë: Sipas OBSH, Shqipëria është vendi me numrin e mjekëve më të ulët në Rajon, 12.16 mjekë për 10 mijë banorë, 950 mjekë janë në pritje për të ikur jashtë e mijëra janë larguar. Ndërkohë buxheti i shtetit ka paguar rreth 100 milionë euro për Partneritetet Publike-Private në shëndetësi, ndërsa do të paguajë dhe 270 milionë euro të tjera në vitet në vijim.
Pagat e mjekeve janë rritur 7 përqind vetëm ne vitin elektoral 2017.
Nuk është takse progresive, është taksa 23% mbi shtresën e mesme dhe që sot ka dëmtuar më rëndë profesionistët e vërtetë.
Sot mjekët kanë pagat më të ulta dhe taksat me të larta në rajon.
Ky nuk është kandidat i ri është i provuar, është genjeshtar i vjetër që bën çdo gjë për të kaluar lumin.
Partia Demokratike ka një plan për ta nxjerrë shëndetësinë nga kriza, për të vendosur pacientin në qendër e jo koncesionin, për të rritur pagat dhe për të ofruar atë që Rama se bëri per 8 vite. Shëndetësi cilesore për të gjithë!
