Shqipëria duhet të vazhdojë me reformat e saj për të arritur anëtarësimin e plotë në BE, është shprehur kështu Komisioneri Europian për Zgjerimin Olivier Varhelyi.
“Shqipëria ka ndjekur me insistim rrugën e reformave dhe autoritetet shqiptare vazhdojnë të tregojnë se janë të përkushtuara në realizimin e tyre.
Shqipëria ka bërë një progres të madh dhe është shumë afër plotësimit të të gjitha kushteve për arritjen e realizimit të të qenit pjesë në Konferencën e parë ndërqeveritare.
Është shënuar një progres i jashtëzakonshëm me Reformën elektorale me Marrëveshjen e Nënshkruar me 5 Qershor dhe implementimin e rekomandimeve të OSBE –ODIHR.
Po vazhdohet me implementimin e reformës në Drejtësi, po ashtu po vazhdon edhe Lufta kundër krimit të organizuar.
Janë bërë përpjekje të jashtëzakonshme në vendosjen e rendit dhe sundimit të ligjit.
Shqipëria gjithashtu duhet të vazhdojë me reformat e saj edhe në periudhën pre zgjedhore.” – deklaroi Komisioneri Europian për Zgjerimin Olivier Varhelyi.
Por notat positive për Shqipërinë të shprehura nga Komisioneri nuk u pritën mirë nga eurodeputeti francez Jerome Riviere, i cili u shpreh se me integrimin e Shqipërisë, një vend i drejtuar nga Mafia sipas tij, nuk do të jetë e lehtë sundimi i ligjit.
