Përmbyllet faza e parë e garës ndërkombëtare për 3 stadiumet e reja që do të ndërtohen në Durrës, Vlorë, Korçë.
Në një postim në rrjete sociale, Kryeministri Edi Rama vuri në dukje se nga 41 studio kanë dalë 9 finalistë që do të konkurrojnë në tre garat e fillimmajit.
“Nga 86 aplikimet e 41 studiove (studiot kanë aplikuar sipas dëshirës për 1, 2 apo 3 finale), mes të cilave një pjesë e konsiderueshme me prestigj të lartë në skenën bashkëkohore të arkitekturës, kanë dalë nëntë finalistët që do të konkurrojnë në tre garat e fillim-majit në qytetet respektive“, shkruan Rama.
Agjencia Kombëtare e Planifikimit të Territorit (AKPT) ka njoftuar më 23 shkurt shpalljen e Konkursit Ndërkombëtar për Projektide për 3 Komplekset e Stadiumeve të Futbollit në Durrës, Korçë dhe Vlorë.
