Presidentja e Kosovës, Vjosa Osmani priti sot në takim të Ngarkuarën me Punë të Ambasadës së Shteteve të Bashkuara të Amerikës në Kosovë, Anu Prattipati.
Sipas njoftimit për media bëhet e ditur se në takim u diskutuan zhvillimet e fundit politike në vend, situata e sigurisë në Kosovë dhe në rajon, si dhe dinamika e formimit të institucioneve të reja pas zgjedhjeve të fundit.
Osmani dhe Prattipati trajtuan gjithashtu një sërë çështjesh që lidhen me marrëdhëniet bilaterale ndërmjet Kosovës dhe SHBA-së, me theks të veçantë në fushat me interes të përbashkët.
Në veçanti, u theksua rëndësia e bashkëpunimit në fushën e mbrojtjes dhe u diskutuan mundësitë për thellimin e mëtejshëm të partneritetit strategjik ndërmjet dy vendeve.
