Në morinë janë 12 persona në hotel në karantinë

Pasi qeveria vendosi urdhrin që të gjithë shtetasit shqiptar të cilët do të hyjnë në vendin tonë nëpërmjet pikave doganore duhet të karantinohen në hotele dhe të paguajnë vet qëndrimin, në pikën e kalimit kufitar të Morinës kanë hyrë 12 shtetas.

Ata tashmë ndodhen në dy hotele pranë kësaj dogane, ndërkaq po përgatitet edhe një hotel i tretë.

Por ky urdhër i qeverisë që të gjithë ata që hyjnë në vendin tonë duhet të karantinohen dhe ta paguajnë vet hotelin duket se i ka stepur qytetarët shqiptarë.
Prej dy ditësh në këtë pikë doganore, atë të Morinës, nuk ka hyrë askush nga Kosova drejt Shqipërisë.

Që prej mbylljes së kufinjëve për shkak të pandemisë së Covid-19 në vendin tonë, në pikën e kalimit kufitar të Morinës kanë hyrë një numër i konsiderueshëm qytetarësh shqiptarë, të cilët ishin punëtorë sezonalë në Kosovë. Me rregullat e atëhershme ata duhet të vetkarantinoheshin në shtëpitë e tyre.

Fillimisht në këtë pikë doganore u lejuan të kalonin nga Shqipëria drejt Kosovës kamionët e transportit dhe furgonat e mallrave. Megjithatë prej një jave Kosova ka ndaluar që nga Shqipëria drejt tyre të hyjnë furgonet e mallrave. Lejohet të kalojnë vetëm kamionët e tonazhit të rëndë.

- ISLAMSHOP.CH -spot_img

LEXO MË SHUMË

Së fundi