Kosovë – Një krim i rëndë ka ndodhur në një familje në Prishtinë. Sipas mediave të Kosovës, vëllai ka goditur me thikë vëllain.
Krimi ka ndodhur mbrëmjen e së dielës në rrugën “Tirana” në kryeqytetin e Kosovës. Shkak i ngjarjes, sipas policisë, dyshohet një mosmarrëveshje mes dy vëllezërve.
I ndjeri humbi jetën si pasojë e hemorragjisë nga goditja me thikë.
Edhe vëllai tjetër dyshohet se ka mbetur i lënduar pasi mendohet se është goditur gjithashtu nga vëllai i ndjerë gjatë sherrit mes tyre. Ai është në spital në gjendje të stabilizuar.
Policia e Kosovës po vijon hetimet për këtë ngjarje.
