Facebook po planifikon të lansojë për herë të parë një ‘smartwatch’ në verën e vitit 2022, sipas një raporti të së mërkurës në The Verge.
Sipas medieve të huaja, informacioni ishte raportuar në shkurt se Facebook po punonte për një artikull të tillë, megjithatë raporti i së mërkurës ‘hedh më shumë dritë’ mbi projektin e ardhshëm.
Pajisja do të ketë një ekran dhe dy kamera që mund të shkëputen për të kapur fotografi dhe video ashtu sikurse do ta bënit në një smartphone ose aparat fotografik GoPro.
Përmbajtja mund të ndahet në Facebook dhe Instagram, si dhe në aplikacione të tjera të cilat janë në pronësi të kompanisë.
Punëtorët e Facebook kanë thënë se ora mund të kushtojë rreth 400 dollarë, sipas The Verge, por ky çmim mund të ndryshojë.
