Forcat RENEA janë futur nga tarraca e pallatit për në banesën ku u raportua se ndodhej një vajzë, e cila kishte denoncuar në polici se është dhunuar nga disa persona.
Efektivët e RENEA-s janë ulur me litarë nga tarraca për në ballkonin e apartamentin në zonën e Astirit, ku e reja u mbyll.
Burime bëjnë me dije se vajza është gjetur në banesë e vetme dhe në gjendje të rënduar psikologjike.
Kujtojmë se më herët policia raportoi se pasi kishin marrë denoncimin kishin mbërritur në vendngjarje dhe po negocionin me të renë, e cila refuzonte të hapte derën.
Sipas bluve, vajza me iniciale S. Q., ka njoftuar sallën operative se ndodhej brenda apartamentit duke pretenduar se është dhunuar nga disa persona.
Policia ka gjetur brenda një banese një armë zjarri ngjitur me apartamentin në Astir ku ishte ngujuar vajza që pretendonte se ishte dhunuar nga disa persona.
Bëhet me dije se brenda banesës tjetër u gjetën 2 armë zjarri nga forcat e policisë.
Kjo banesë ku u gjetën armët rezulton të jetë marrë me qira. Në momentin e ndërhyrjes nga policia, nuk kishte asnjë person.
Siç bëhet me dije, efektivët ndërhynë në banesën ngjitur me atë të vajzës së ngujuar pasi kishin informacion se aty kishte armë zjarri.
Përveç këtyre të fundit, mbi tavolinë u gjetën edhe shenja kokaine.
Raportohet se dy banesat ishin marrë me qira ditore nga i dashuri i vajzës së ngujuar.
