Kryeministri Edi Rama, i shoqëruar nga kryebashkiaku Erion Veliaj, ka inspektuar punimet për rindërtimin në lagjen e re në Ndroq.
Sipas tyre lagjja e re do të jetë gati në fund të gushtit dhe rreth 350 banorë do të mblidhen në lagjen qendrore.
“Lagja e re në Ndroq, do të jetë gati në vjeshtë, me shtëpitë e banimit, kopshtin, shkollën dhe një qendër komunitare. Pasi humbën shtëpitë e vjetra në pika të largëta e të veçuara, rreth 350 banorë do të mblidhen në këtë lagje qendrore, me akses të shpejtë në shërbime për të gjitha moshat”– shkruan Rama.
Ndërsa Veliaj tha se lagjja do të përfundojë para fillimit të vitit të ri shkollor.
