Që prej ditës së hënë në zonat bregdetare në vend ka nisur aksioni “Bregdeti ynë” që konsiston në prishjen e ndërtimeve pa leje.
Mësohet se në zonën e Velipojës IKMT do të shemb 45 objekte, 15 prej të cilave ndodhen mbiu pedonale.
Konkretisht në zonën përgjatë bregdetit pritet të shemben 18 njësi shërbimi një katëshe me konstruksion druri, 2 objekte 1-katëshe me konstruksion druri dhe 1 metalik, 1 kontejner me konstruksion druri dhe dy platforma të shtruara me pllaka guri.
Ndërsa në zonën mbi pedonale janë kryesisht objekte pa leje si dhe shtesa në godinat ekzistuese të ndërtuara pa leje.
Paralelisht me Velipojën aksioni i IKMT po vijon edhe në zonën e Ksamilit për t’u shtrirë më pas në të gjithë vijën bregdetare.
Zv/ministri i Brendshëm Julian Hodaj ka deklaruar se ky operacion pritet të përfundojë brenda datës 30 qershor për të mos penguar sezonin turistik.
