Presidentja e Komisionit Europian Ursula von der Leyen dhe zyrtarët e tjerë të lartë të Bashkimit Europian bënë sot betimin në detyrë, duke u zotuar të respektojnë traktatet themeluese të bllokut.
“Ne kemi marrë përsipër një përgjegjësi shumë të madhe”, tha Von der Leyen, gjatë ceremonisë në gjykatën më të lartë të bllokut, gati gjashtë javë pas marrjes së detyrës në degën ekzekutive.
Pjesë e ceremonisë ishte edhe premtimi për t’u sjellë me integritet dhe takt, në lidhje me emërimet dhe përfitimet e pranuara, pas shërbimit në ekzekutivin e BE-së.
Detyra thelbësore e Gjykatës Europiane të Drejtësisë, me seli në Luksemburg, është të sigurojë që ligji i BE-së të respektohet në të 28 vendet anëtare të tij./ATSH
