Një aksident i rëndë ka ndodhur në Korçë mëngjesin e kësaj së enjteje.
Nga informacionet e para mësohet se një automjet ka përplasur një këmbësor, i cili ka ndërruar jetë.
Policia ndodhet në vendngjarje për të zbardhur shkaqet e aksidentit.
Në njoftimin e policisë thuhej:
Korçë/Informacion paraprak
Rreth orës 10:50, në lagjen nr. 10 Korçë, automjeti tip “Peugeot”, me drejtues shtetasin E. R., ka përplasur një shtetas të paidentifikuar, rreth 50 vjeç, i cili si pasojë ka humbur jetën.
Drejtuesi i automjetit është shoqëruar në Komisariatin e Policisë Korçë, për veprime të mëtejshme.
Grupi hetimor ndodhet në vendngjarje dhe po punon për zbardhjen e rethanave të aksidentit dhe për identifikimin e viktimës.
