Në mbledhjen e Konferencës së Kryetarëve, deputetja demokrate Ina Zhupa ka theksuar opinionin e Komisionit të Venecias lidhur me pajtueshmërinë e mandatit të deputetes socialiste, Olta Xhaçka.
Zhupa iu drejtua kryetares së Kuvendit, Elisa Spiropalit, duke shprehur shqetësimin se investimi në Komisionin e Venecias po përdoret për të justifikuar moszbatimin e rekomandimeve të tij. “Kjo konferencë e kryetarëve duhet të fillojë me një kërkesë ndjesë për dy vjet përpjekjesh për të mbrojtur Edi Ramën përmes mandatit të Olta Xhaçkës,” theksoi ajo.
Ajo theksoi se Komisioni i Venecias ka konfirmuar që opozita ka të drejtë në betejën e saj, duke deklaruar se zbatimi i vendimeve të Gjykatës Kushtetuese është i panegociueshëm dhe nuk mund të varet nga vullneti politik i mazhorancës.
“Me logjikën tuaj, ju jeni mbi Kushtetutën, dhe deputetët janë mbi vendimet e Gjykatës Kushtetuese, jo e kundërta,” tha Zhupa, duke shtuar se me këtë veprim po legjitimohet një situatë diktatorial, ku asnjë deputet i mazhorancës nuk mund t’i hiqet mandati, pasi mbrohen nga votat politike.
Ajo kritikoi gjithashtu një nga kolegët e saj, znj. Bushka, duke thënë se po djeg diplomën e saj duke pretenduar se vendimet e Gjykatës Kushtetuese nuk janë detyruese për Kuvendin.
Në përfundim, deputetja Zhupa kërkoi që raporti të vihet për votim në seancën e së enjtes, me qëllim që të dërgohet menjëherë në Gjykatën Kushtetuese. “Kërkoj në emër të grupit të mos mbani peng Kuvendin për interesa klienteliste, dhe të dërgoni raportin në Gjykatën Kushtetuese.
