Aplikacioni popullor WhatsApp prezanton veçori të reja që do të përmirësojnë përvojën e përdoruesit.
WhatsApp ka prezantuar mundësinë për t’u bashkuar me thirrjet përmes një lidhjeje direkte, përkatësisht opsionin Call Links, i cili do të fillojë të shpërndahet për përdoruesit e aplikacionit këtë javë.
Ai do të jetë i qasshëm nëpërmjet banerit “Thirrjet”. Përdoruesit që duan të provojnë opsionin e ri do të duhet të shkarkojnë versionin më të fundit të aplikacionit.
CEO i Meta, Mark Zuckerberg, i cili zotëron WhatsApp, njoftoi opsionin e ri përmes Facebook dhe deklaroi se përdoruesit do të mund të ndajnë një lidhje për t’u bashkuar me thirrjen me “një trokitje”.
Mundësia për të ndarë një lidhje telefonate me përdoruesit, numri i të cilëve është i kufizuar në 32 u la të kuptohet në prill gjatë njoftimit të veçorisë së ardhshme të Komuniteteve WhatsApp.
Funksioni Call Links do të përdoret për thirrje audio dhe video, dhe Zuckerberg konfirmoi se video thirrjet e koduara për bisedat në grup deri në 32 persona janë duke u testuar aktualisht. Kjo është një rritje e konsiderueshme sepse numri i pjesëmarrësve në video-telefonate aktualisht është i kufizuar në tetë.
Kështu WhatsApp u afrohet konkurrentëve si Google Meet, Microsoft Teams ose Zoom. Këto aplikacione lejojnë një numër shumë më të madh pjesëmarrësish në bisedë (100 për Google Meet dhe Microsoft Teams dhe 300 për Zoom), por vijnë me kufizime të tilla si kohëzgjatja e thirrjeve për profilet falas dhe nuk janë zgjedhja e parë për njerëzit që përdorin tashmë WhatsApp.
WhatsApp nuk e përmendi kufirin e kohëzgjatjes së thirrjes, në mënyrë që të mund të bëhet një nga aplikacionet më të mira falas të thirrjeve video për ekipet më të vogla dhe rrjetet personale.
