Deputetja e Partisë së Lirisë, Erisa Xhixho, ka shpërndarë disa foto nga Shkoza, duke treguar se 30 minuta shi, arrijnë “ta përmbysin”.
Ajo akuzon bashkinë, teksa thotë ndër të tjera, “paguan inceneratorët që nuk djegin asnjë gram mbetje dhe se nuk ka buxhet për kanalizimet”.
“Korrupsioni i Bashkisë përmbyt Shkozën në 30 minuta. Kur rrugët shtrohen për fushatë elektorale për të gënjyer qytetarët, ky është rezultati.
Bashkia që paguan inceneratorët që nuk djegin asnjë gram mbetje, nuk ka buxhet për kanalizimet. Në pak minuta shi, u hodh në erë propaganda boshe e Bashkisë. Fotot flasin vetë”, shkruan ajo në Facebook.
