Snapdragon 888 Plus, një version i përmirësuar i modelit bazë Qualcomm 888, përfshin një rritje të shpejtësisë nga 2.86 GHz në pothuajse 3 GHz, por gjithashtu sjell një modul të azhurnuar të Inteligjencës Artificiale që premton përmirësime të performancës së kamerës.
Qualcomm tashmë ka një numër klientësh të njohur të renditur në Snapdragon 888 Plus, duke përfshirë telefonin e ardhshëm ROG të ASUS, Honor’s Magic 3, të paktën një pajisje Motorola, si dhe telefonat Vivo dhe Xiaomi.
Por nuk duhet përjashtuar edhe telefonat e ardhshëm nga Samsung që pritet ta marrin këtë çip.
Telefonat e parë që përdorin Snapdragon 888 Plus duhet të dorëzohen diku në tremujorin e tretë të vitit.
Përmirësimet nuk do të bëjnë që të pendoheni për blerjen e ROG Phone 5 (ose ndonjë telefon tjetër të bazuar në Snapdragon 888), por do të sigurojë që telefonat Android në gjysmën e fundit të 2021 të përdorin teknologjinë më të fundit të Qualcomm.
