Vijon normalisht qarkullimi në pikën kufitare të Qafë Botës mes udhëtarëve mes shtetit shqiptar dhe atij grek.
Autoritet greke u kërkojnë udhëtarëve shqiptarë, por dhe atyre minoritarë të jenë të pajisur me garanci ose rezervim të hotelit, shumën prej 50 euro për çdo ditë qëndrimi, gjithashtu dhe masat antiCovid.
Burime pranë pikës kufitare në Qafë-Botë bënë me dije se kuota ditore e lëvizjes së udhëtarëve drejt shtetit grek dhe anasjelltas është 250 udhëtarë në ditë.
Puna në këtë pikë nis në orën 7:00 dhe mbyllet në orën 15:00.
Fluksi më i madh i lëvizjes është gjatë orëve të mëngjesit.
Udhëtarët nga të dy krahët duhet të jenë të kompletuar me dokumentacionin e nevojshëm, përndryshe nuk lejohen të kalojnë.
