Këshilli Presidencial i Libisë ka reaguar ndaj Italisë e cila po punon për të organizuar një “forum të dialogut kombëtar” pa u koordinuar me të dhe e paralajmëroi Italinë të mos ndërhyjë në punët e saj të brendshme, transmeton Anadolu Agency (AA).
Kreu i Këshillit Presidencial, Mohamed Al-Menfi lidhur me çështjen i dërgoi një mesazh ministres së Jashtme të Libisë, Najla Mangoush.
Në mesazh u theksua se është mësuar se Ministria e Jashtme me ftesë të Ministrisë së Jashtme të Italisë është përgatitur të dërgojë një delegacion nga pjesa jugore (Fezan) e Libisë për të zhvilluar një “forum të dialogut kombëtar” në territorin e Italisë pa u koordinuar më parë me Këshillin Presidencial.
Po ashtu në mesazhin e Këshillit dënohet ky hap i hedhur nga Italia dhe kërkohet anulimi i forumit.
Më tej në mesazh paralajmërohet Qeveria e Romës të mos ndërhyjë në punët e brendshme të Libisë dhe të respektojë parimet shtetërore. /aa
