Komisioni i Ankimeve dhe Sanksioneve në KQZ vendosi javën e kaluar të hapë kutitë e 24 qendrave të votimit me materialet zgjedhore në qarkut e Beratit, pas ankimimeve të bëra nga Lëvizja Socialiste për Integrim.
Nga hapja e 6 kutive të para në KAS është vërtetuar në njërën prej tyre pretendimi i LSI-së, ku mungon raporti i identifikimit elektronik.
Pikërisht në kutinë NR. 3446 nuk gjendet raporti PEI, dhe për këtë arsye do të numërohen firmat e të gjithë votuesve nga lista e zgjedhësve.
Të shtunën, KAS vendosi të pranojë kërkesën e LSI për të hapur kutitë e 24 qendrave të votimit, për të kontrolluar materialet zgjedhore brenda kutive.
