Kryeministri i Italisë, Giuseppe Conte, në lidhje me armëpushimin në Libi që filloi pas thirrjes së Turqisë dhe Rusisë, tha se do të hap dritaren e mundësive për të hyrë në procesin paqësor.
Presidenti i Turqisë, Recep Tayyip Erdoğan dhe kryeministri italian Conte, pas takimit të tyre në Kompleksin Presidencial zhvilluan një konferencë të përbashkët për media.
Conte tha se në takim përveç temave të ndryshme kanë trajtuar edhe çështjen e Libisë. “Shpresoj që armëpushimi në Libi do të hap një dritare të rëndësishme të mundësive, do të kalohet në një proces paqësor”, tha Conte.
Ai theksoi se falë Procesit të Berlinit që zhvillohet në lidhje me Libinë, vendi në vend të tensioneve do të hyjë në një proces politik.
“Synimi ynë si Itali është një Libi e pandarë, e pavarur dhe sovrane”, u shpreh ai.
