Të paktën 21 persona u vranë në një shpërthim në një fabrikë fishekzjarrësh në Kinën qendrore, raportoi sot media shtetërore.
Agjencia shtetërore e lajmeve “Hsinhua” raportoi se 61 persona të tjerë u plagosën gjatë shpërthimit.
Shpërthimi ndodhi dje pasdite në qytetin Liuyang në Provincën Hunan.
Qyteti konsiderohet një qendër e industrisë së fishekzjarrëve në Kinë, me prodhues të shumtë të vendosur atje.
Presidenti kinez Xi Jinping urdhëroi ekipet e kërkim-shpëtimit të bëjnë të gjitha përpjekjet, për të kërkuar të zhdukurit dhe për të trajtuar të plagosurit.
Xi bëri thirrje që shkaku i shpërthimit të zbulohet dhe të hetohet sa më shpejt të jetë e mundur dhe që përgjegjësit të nxirren para drejtësisë.
Kina prodhon një pjesë të madhe të fishekzjarrëve, të tregtuar në të gjithë botën.
Në të kaluarën, kanë ndodhur vazhdimisht gjatë prodhimit, aksidente të rënda që rezultojnë në vdekje dhe plagosje.
Autoritetet kanë marrë masa të ashpra ndaj shkeljeve të sigurisë për vite me radhë, por aksidentet vazhdojnë të ndodhin.
Në qershor të vitit 2025, të paktën nëntë persona u vranë në një shpërthim në një fabrikë fishekzjarrësh në Hunan.
