Gjykata e Posaçme AntiKorrupsion (GJKKO) ka dhënë sot, 22 nëntor, vendimet e formës së prerë për të pandehurit e dosjes “Metamorfoza 2”, si më poshtë:
Ismail Zeneli është dënuar me 15 vite burg (më gjykim të shkurtuar 10 vite)
Bujar Ajeti me 9 vite (me gjykim te shkurtuar 6 vite)
Adrian Cenaj (Dedja) me 6 vite burg me gjykim te shkurtuar 4 vite
Ish-shefi i Krimeve Dedan Gjoni me 12 vite (me gjykim te shkurtuar 8 vite)
Besmir Murtati me 12 vite (me gjykim te shkurtuar 8 vite)
Albert Prenga me 12 vite burg, (me gjykim te shkurtuar 8 vite)
Gjashtë të pandehurit akuzoheshin për trafik droge dhe për sigurim kushtesh për vrasjen e dy vëllezërve.
Përpos kësaj, ata u identifikuan si anëtarë të një grupi kriminal nga komunikimet e zbardhura në aplikacionin Sky ECC. Sipas SPAK, janë dokumentuar katër raste të përfshirjes në trafikun e kokainës nga Amerika Latine drejt Bashkimit Evropian.
Ismail Zeneli, emri i vërtetë i të cilit është Luan Sadria, pasi u arrestua në Spanjë, u ekstradua në vendin tonë më 23 gusht 2024. Ai ishte organizatori i planit për vrasjen e dy vëllezërve, që sipas hetimeve të Prokurorisë së Posaçme, e kërkonte si formë hakmarrjeje pasi dyshonte se ata ishin autorë të vrasjes së vëllait të tij në Britaninë e Madhe në vitin 2013.
Për të realizuar planin, Zeneli bashkëpunoi me ish-shefin e komisariatit Dedan Gjoni. Ky i fundit siguronte informacione mbi lëvizjet e dy vëllezërve dhe të afërmve të tyre gjatë vitit 2020.
