Selena Gomez ka publikuar për herë të parë disa momente të veçanta nga ceremonia e saj martesore me producentin Benny Blanco, përmes një postimi në “Instagram” të martën, më 30 shtator.
Në serinë e fotografive të publikuara, çifti shfaqet duke shkëmbyer një puthje romantike në pistën e vallëzimit, ndërsa vëmendjen e tërheq fustani i bardhë me stil ‘vintage’ i këngëtares, i cili kishte një dekolte në formë zemre.
Ajo ndau gjithashtu një pamje më të afërt të fustanit një krijim elegant i firmës Ralph Lauren, me jakë halter, dantella delikate rreth qafës dhe një bisht të gjatë.
https://www.instagram.com/p/DPPm_jEEmcS/embed/captioned/?cr=1&v=14&wp=540&rd=https%3A%2F%2Ftvklan.al&rp=%2Fselena-gomez-ndan-per-here-te-pare-pamje-nga-dasma-me-benny-blanco#%7B%22ci%22%3A2%2C%22os%22%3A1454%2C%22ls%22%3A138.59999999962747%2C%22le%22%3A354.09999999962747%7D
Stilimi i flokëve i referohej frymëzimit nga Hollywood-i i viteve të arta, me onde të lehta dhe të hijshme.
Në të njëjtin postim, Gomez zbuloi edhe fustanin e saj të dytë të mbrëmjes po ashtu me jakë halter, por këtë herë me një dizajn korse dhe një bisht të hollë dantelle, që i jepte një prekje të veçantë dhe personale pamjes së saj për natën e dasmës.
Ndër detajet që plotësonin atmosferën intime të ceremonisë ishte edhe buqeta e saj, e përbërë nga “lily of the valley” një lule delikate që, sipas stilistit dhe floristit ndërkombëtar Tyler Speier, përfaqëson dashurinë, pastërtinë dhe fillimet e reja.
https://www.instagram.com/p/DPJx65qiZiR/embed/captioned/?cr=1&v=14&wp=540&rd=https%3A%2F%2Ftvklan.al&rp=%2Fselena-gomez-ndan-per-here-te-pare-pamje-nga-dasma-me-benny-blanco#%7B%22ci%22%3A3%2C%22os%22%3A3042.199999999255%2C%22ls%22%3A138.59999999962747%2C%22le%22%3A354.09999999962747%7D
Pamjet përfshinin gjithashtu tortën e dasmës në formë zemre, të zbukuruar me shkrimin kaligrafik “Just Married”, duke përmbyllur një koleksion të kujdesshëm detajesh që reflektonin stilin dhe emocionin e çiftit.
