Aktorja bukuroshe, Angelina Jolie, feston 50 vjetorin e lindjes.
Roli i saj i famshëm në film erdhi me dramën e vitit 1999 “Girl, Interrupted”. Portretizimi i Jolie-s si Lisa Roëe, një paciente spitali e diagnostikuar si sociopate, fitoi çmimin Oscar për aktoren më të mirë mbështetëse vitin pasardhës.
Suksesi pasoi me adaptimin e vitit 2001 të videolojës “Lara Croft: Tomb Raider” që e bëri atë një heroinë aksioni. Hitet e saj të tjera aksioni përfshijnë “Wanted” dhe “Salt”.
Jolie vazhdoi të eksperimentonte në karrierën e saj me projekte të tjera si drama kriminale e regjisorit Clint Eastwood “Changeling” që i siguroi asaj një nominim për Oscar, dhe filmat “Maleficent” të Disney-t në të cilët ajo luajti rolin e personazhit negativ të përrallave.
Martesa e Jolie-s me aktorin Brad Pitt bëri bujë pasi ata filluan të dilnin bashkë gjatë xhirimeve të filmit “Mr. and Mrs. Smith” në vitin 2005. Çifti u martua në vitin 2014. Jolie kërkoi divorc dy vjet më vonë.
Aktorja është gjithashtu një aktiviste me ndikim, duke mbrojtur arsimin dhe të drejtat e refugjatëve. Jolie është gjithashtu aktive si regjisore, e katër filmave deri më sot.
