Policia zvicerane shkatërroi një operacion të dyshuar si ‘spiun’ ndaj dy rusëve, që paraqesin veten si pjesmarrës në forumin e Davos, ku liderët botërorë po takohen këtë javë për Forumin Ekonomik Botëror vjetor, sipas raportit të së martës.
Gazeta Tages Anzeiger e Zvicrës raportoi se rusët kishin ngjallur dyshimet e policisë zvicerane që në gusht, raporton FoxNews.
Zëdhënësi i Anita Senti i departamentit të policisë rajonale të Grisons, tha që të dy rusët kishin pretenduar të ishin diplomat kur u morën në pyetje si pjesë e një “kontrolli normal”.
Ajo tha se ata nuk ishin të akredituar si diplomat nga autoritetet zvicerane.
“Është e vërtetë që ne kemi kontrolluar dy qytetarë rusë në Davos dhe ata e identifikuan veten me pasaporta diplomatike, por ne nuk mund të konstatonim ndonjë arsye për t’i ndaluar ata. Ata u lejuan të shkojnë, ” tha Grisons.
Një zëdhënës i ambasadës ruse në Bern sugjeroi që burrat e identifikuan veten si pjesmarrës në samit, si “ndoshta një shaka pa vend”.
“Pasaportat diplomatike u jepen zyrtarëve të rangut të lartë, jo punëtorëve manualë,” tha ai.
Por Bill Browder, një menaxher i fondeve të investimeve që ka udhëhequr një fushatë për të ekspozuar korrupsionin në Rusi, tha që komploti i supozuar tregon arritjen e supozuar të qeverisë Ruse.
