Së paku pesë rebelë Houthi janë vrarë në përleshjet me forcat qeveritare në provincën Al-Hudaydah në Jemenin perëndimor, bëri të ditur sot ushtria jemenase.
Sipas deklaratës ushtarake rebelët u vranë pasi ata u përpoqën të depërtojnë në rrethin Al-Tuhayta në jug të Al-Hudaydah.
Asnjë informacion mbi viktima nga forcat qeveritare nuk është raportuar deri më tani.
Jemeni është përfshirë nga dhuna dhe kaosi që nga viti 2014, kur rebelët Houthi pushtuan pjesën më të madhe të vendit, përfshirë kryeqytetin, Sanaa.
Kriza u përshkallëzua në vitin 2015 kur një koalicion ushtarak i udhëhequr nga sauditët filloi një fushatë shkatërrimtare ajrore që synonte të kthente fitimet territoriale të Houthi.
Dhjetëra mijëra jemenas, përfshirë civilë, besohet të jenë vrarë në konflikt, i cili ka çuar në një nga krizat më të rënda humanitare në botë, pasi miliona persona mbeten në prag të urisë.
