10.5 C
Tirana

Vetting-u në Polici, ICITAP: Nivel shumë i lartë profesionalizmi nga punonjësit e AMP-së

Më datë:

Punonjës të Agjencisë së Mbikëqyrjes Policore morën pjesë sot në një trajnim në lidhje me procesin e Vlerësimit Kalimtar dhe Periodik, të zhvilluar nga Operacioni Ndërkombëtar i Monitorimit (ONM), me mbështetjen e programit ICITAP.

Në këtë takim morën pjesë Këshilltari i Lartë për Llogaridhënien Policore nga Programi ICITAP në Ambasadën e SHBA-së në Tiranë, Richard Deasy dhe Këshilltari për Llogaridhënien Policore nga Programi ICITAP, Rick Bates, të cilët vlerësuan nivelin shumë të lartë të profesionalizmit që punonjësit e AMP-së kanë kryer gjatë seancave të vetting-ut.

Drejtori i përgjithshëm i AMP-së, Florian Sulejmani falënderoi përfaqësuesit e ONM-së dhe të ICITAP-it për mbështetjen e vazhdueshme në proceset inspektuese, hetuese, të trajtimit të ankesave, poligrafit, vlerësimit kalimtar e periodik, etj.

Vëzhguesi Ndërkombëtar i ONM-së nga Departamenti i Drejtësisë i Shteteve të Bashkuara, Steven Kessler, së bashku me përfaqësues të ONM-së ndanë me anëtarët e trupave vlerësuese të AMP-së, përvojën disavjeçare të fituar nga procesi i vetting-ut të prokurorëve dhe gjyqtarëve.

Gjithashtu, gjatë këtij takimi u diskutua rreth sfidave të hasura mbi zhvillimin e procesit të vetting-ut, si fshehja e mundshme e pasurisë nga subjektet, hetimi i kontrollit të figurës, transparenca e procesit, llogaridhënia gjatë hetimit, etj.

Ky trajnim vjen si një vlerë e shtuar e bashkëpunimit të vazhdueshëm me partnerët ndërkombëtarë, në funksion të rritjes së mëtejshme të kapaciteteve profesionale të agjencisë.

Shpërndarje

spot_imgspot_img

Më të fundit

Më shumë si kjo
Të ngjashme

Hap historik për Kosovën: Jepet drita jeshile për fazën e radhës të Lojërave Mesdhetare

Prishtina ka marrë sot një konfirmim të rëndësishëm në...

Kundër themelimit të një organizate rinore të AfD-së protesta në Gjermani

Në Gjermani, mijëra protestues janë përplasur me policinë në...

Invaliditeti i mohuar: PD denoncon vonesat e shtetit ndaj qytetarit të sëmurë

Partia Demokratike ka publikuar një rast, ku një qytetar...

Shkrumbohet lokali i Ramadan Zotos në Ksamil, i përfshirë në plagosjen e 17 korrikut në Sarandë

Ksamil, digjet plotësisht lokali “Bumble Bee”. Ngjarja rreth orës...